BVF: "Ermənistanda iqtisadi inkişafın gücü azalacaq"

Ermənistanda inflyasiyanın sürətlənəcəyi proqnozlaşdırılıb.

TodayPress xəbər verir ki, Beynəlxalq Valyuta Fondunun (BMF) hesabatında istehlakın və hökumətin kapital xərcləri ilə bağlı artımda yavaşlama baş verəcəyi, 2024-cü ildə artımın sabit olaraq 6 faiz səviyyəsində qalmasıın gözlənildiyi bldirilib.

Təhlilə görə, Ermənistanda ilin ikinci yarısında inflyasiyanın daha da sürətlənəcəyi gözlənilir. Risklər geosiyasi və regional gərginliklər, əsas ticarət tərəfdaşlarında potensial iqtisadi yavaşlamalar, ticarət və kapital axınının azalması səbəbindən yüksəldiyini göstərir.

Mütəxəssislərin fikricə qeyri-müəyyən perspektiv sağlam siyasətlərin və davamlı struktur islahatlarının davam etdirilməsini tələb edir:

"Fiskal siyasət makro-fiskal sabitliyin qorunması ilə artan xərc təzyiqlərinə qarşı mübarizə arasında balans yaratmalıdır. Sosial inklüzivlik, təhlükəsizlik xərcləri, infrastrukturun gələcək inkişafı və köklü səhiyyə islahatları da daxil olmaqla, fiskal məkan yaratmaq üçün diqqətli xərc prioritetləri, qətiyyətli fiskal siyasət və gəlirlərin idarə edilməsi səyləri tələb olunacaq".

Beynəlxalq Valyuta Fondunun hesabatında, "Struktur islahatları gəlirlərin toplanmasının gücləndirilməsinə, fiskal risklərin və dövlət investisiyalarının idarə edilməsinə, məşğulluq və sosial yardım proqramlarına, ixracın şaxələndirilməsinə, idarəetmənin təkmilləşdirilməsinə və korrupsiyaya qarşı həssaslığın azaldılmasına yönəlməlidir" deyə fikirlər yer alıb.