Aqrar sektor 2 %-ə yaxın böyüdü

Bu ilin yanvar-aprel aylarında Azərbaycanda 2 milyard 345 milyon manat dəyərində kənd təsərrüfatı məhsulları istehsal edilib. 

TodayPress Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 1,8 % çoxdur. 

Son 1 ildə ölkədə istehsal olunmuş bitkiçilik məhsullarının dəyəri 9,3 % artaraq 194 milyon manata, heyvandarlıq məhsullarının dəyəri isə 1,1 % artaraq 2 milyard 151 milyon manata çatıb.