AMB iqlim dəyişikliklərinin inflyasiyaya təsirini qiymətləndirdi

Azərbaycanda iqlim dəyişikliyinin 2035-ci ilə qədər ümumi infilyasiyaya 0,5-1 faiz bəndi təsir edıcıyi gözlənilir. 

TodayPress xəbər verir ki, bu barədə Azərbaycan Mərkəzi Bankının (AMB) “Dayanıqlı maliyyə hesabatı”nda bildirilir. 

Sənədə əsasən, hesabat dövrünə artan temperatur və iqlim risklərinin ölkədə ərzaq inflyasiyasına 1,5-2 faiz bəndi artırıcı təsir edəcəyi gözlənilir. 

AMB qeyd edib ki, iqlim dəyişiklikləri və yaşıl keçid prosesləri qlobal miqyasda yeni növ inflyasiya riskləri formalaşdırmaqdadır. 

Ötən il qurum iqlim dəyişiklikləri və yaşıl keçidin makroiqtisadi göstəricilərə, xüsusilə də monetar siyasətə təsirlərinin qiymətləndirilməsi istiqamətində kompleks araşdırmalar həyata keçirib.

Bu istiqamətdə beynəlxalq təcrübələr təhlil olunub, qabaqcıl mərkəzi bankların strategiyaları öyrənilib.