"iPhone" "Starlink" peyklərinə dəstək verəcək

"iOS 18.3" əməliyyat sistemi ilə işləyən bəzi "iPhone" istifadəçiləri Amerikanın "T-Mobile" operatorunun şəbəkələrində "Starlink" peyklərinə çıxış əldə ediblər. 

TodayPress xəbər verir ki, bu barədə "Bloomberg" məlumat yayıb.

İstifadəçilər indi mobil əhatə dairəsi olmayan ərazilərdə ABŞ-yə mətn mesajları göndərə bilərlər.

"iOS 18.3"ün buraxılması ilə "T-Mobile" az sayda "iPhone" sahiblərini peyk rabitəsinin beta sınaqlarında iştirak etməyə dəvət edib. Yeniləmədən sonra bu istifadəçilər "Starlink" peykləri vasitəsilə SMS göndərməyə imkan verən yeni funksiyanı işə sala biliblər.

Hazırda "Starlink" yalnız mətn mesajlaşmasını dəstəkləyir, lakin "T-Mobile" və "SpaceX" gələcəkdə məlumat və səs imkanları əlavə etməyi planlaşdırır. “Apple” şirkəti hələ ki, yenilik barədə heç bir açıqlama verməyib.

Töhfə Səməd