"iPhone" qiymətləri dörddə bir artıb

Dünyada "iPhone"un orta qiyməti rekord həddə yüksəlib. 

TodayPress xəbər verir ki, bu barədə "Counterpoint Research" (CR) şirkətinin hesabatına istinadən "Cult of Mac" nəşri məlumat yayıb.

Ekspertlər bildirir ki, 2024-cü ildə “Apple” smartfonlarının orta satış qiyməti rekord həddə – 903 dollara yüksəlib. "Consumer Intelligence Research Partners" (CIRP) şirkətinin məlumatına görə, ABŞ-də orta qiymət 1018 dollardır.

“Counterpoint Research” “iPhone”un satış qiymətindəki artımı “Apple”ın “iPhone Pro” smartfonlar xəttinə investisiyanın artması ilə izah edib. Əsas cihazlarla müqayisədə onlar daha çox yeniləmə və nəzərəçarpacaq dərəcədə cəlbedici xüsusiyyətlər alırlar.

Məqalədə bildirilir ki, bazarda heç bir rəqib "Apple" cihazları üçün olan tələbata yaxınlaşa bilməz. Beləliklə, Amerika korporasiyasının əsas rəqibi olan "Samsung" qadcetlərinin orta satış qiyməti 2024-cü ildə cəmi 299 dollar olub. Analitikləri izah etdilər ki, digər istehsalçılar ucuz telefonların satışına daha çox sərmayə qoyurlar.

"Counterpoint Research" həmçinin hesablayıb ki, "Apple" keçən il smartfon satışından gələn qlobal gəlirin 46 faizini təşkil edib. "Samsung"un payı isə cəmi 15 faiz olub.

Töhfə Səməd