2025-in ən güclü smartfonları açıqlandı

“AnTuTu” bençmarkının tərtibatçıları yanvar ayında dünyanın ən yüksək reytinqli smartfonlarının siyahısını dərc edib.

TodayPress xarici KİV-lərə istinadən xəbər verir ki, siyahıya 2,89 milyona yaxın balla “MediaTek Dimensity 9400” prosesoru ilə çalışan “Vivo X200 Pro Satellite Edition” smartfonu gəlir. Ardınca 2,88 milyon balla “Oneplus Ace 5 pro” subflaqmanı və 2,86 milyon balla “Red Magic 10 Pro+” smartfonları gəlir. Hə iki model güclü “Snapdragon 8 Elite” prosesoru ilə çalışır.

“Snapdragon 8 Elite” prosesoru ilə işləyən başqa bir model isə - “iQOO 13” 2,85 milyon balla dördüncü mövqedə qərarlaşıb.

Top-beşliyi “Dimensity 9400”çipi ilə təchiz olunmuş “iQOO Neo 10 Pro” smartfonu bağlayır.

Saytda qeyd olunur ki, reytinqə çin bazarında satışa çıxarılan smartfonlar düşüb.