Zuriko Davitaşvili Fransada ayın oyunçusu seçildi

Futbol üzrə Fransa çempionatında oktyabr ayının ən yaxşı oyunçusu məlum olub.

TodayPress xəbər verir ki, “Sent Etyen” klubunun gürcüstanlı hücumçusu Zuriko Davitaşvili Liqa 1-də ötən ayın ən yaxşısı adına layiq görülüb. 

23 yaşlı futbolçu ötən ay ölkə çempionatında 5 qol vurub. Davitaşvili “Oser”lə matçda het-trik edib.

Qeyd edək ki, Zuriko Davitaşvili 2022-ci ildən Fransada forma geyir. Forvard iki mövsüm “Bordo” klubunda oynayıb. O, Bordo təmsilçisinin heyətində keçirdiyi 67 oyunda 13 qol vurub. 

Davitaşvili bu ilin yayında “Sent-Etyen” klubuna transfer olunub. O, cari mövsüm Liqa 1-də meydana çıxdığı 11 matçda 5 qol vurub və 2 məhsuldar ötürmə edib. 

Namiq HUN