“Zirə” avrokubok mövsümünə qələbə ilə start verdi

Futbol üzrə Azərbaycan klubları üçün yeni avrokubok mövsümü start götürüb.

TodayPress xəbər verir ki, I təsnifat mərhələsindən mübarizəyə başlayan yeganə təmsilçimiz “Zirə” Avropa Liqasında ilk oyununa çıxıb.

“Qartallar” Moldovada “Şerif”in qonağı olub. İsveçrəli Alessandro Dudiçin fit sahibi olduğu Tiraspol qarşılaşmasının ilk hissəsində qapılara qol vurulmayıb. Oyunda hesab matçın 88-ci dəqiqəsində açılıb. “Zirə”nin gürcüstanlı forvardı Davit Volkov oyunun taleyini həll edən yeganə qolun müəllifi olub. Gərgin mübarizədə əldə edilən qələbə cavab matçı ərəfəsində "qartallar"a böyük üstünlük qazandırıb.

Qeyd edək ki, komandalar arasında cavab görüşü iyulun 18-də Bakıda keçiriləcək.

Namiq HUN