“Zirə” 3 xalı 3 qolla qazandı

Futbol üzrə Azərbaycan Premyer Liqasında 8-ci tur davam edir. 

TodayPress xəbər verir ki, turun ikinci oyun günündə “Zirə” “Kəpəz”i qəbul edib.

Zirə İdman Kompleksinin stadionunda keçirilən oyunda hesab matçın 42-ci dəqiqəsində açılıb. “Zirə”nin heyətində Ceyhun Nuriyev fərqlənib 1:0. Qarşılaşmanın ikinci hissəsində “qartallar” rəqib toruna daha iki dəfə yol tapıblar. 51-ci dəqiqədə Rüstəm Əhmədzadə hesab arasındakı fərqi 2 topa yüksəldib. Matçın 57-ci dəqiqəsində isə Davit Volkov “Kəpəz”in darmadağını rəsmiləşdirib. Matç elə “Zirə”nin 3:0 hesablı qələbəsiylə başa çatıb.

Namiq HUN