Yeniyetmə ağırlıqqaldıranımız Avropa ikincisi oldu

Yunanıstanda yeniyetmə ağırlıqqaldıranların Avropa birinciliyi davam edir. 38 ölkədən 415 (198 qız + 217 oğlan) idmançının iştirak etdiyi yarışa Azərbaycan komandası da qatılıb.

TodayPress xəbər verir ki, Saloniki turnirinin növbəti yarış günü Elman Kurdanov körpücük üzərinə çıxıb. O, yaşı 15-ə qədər olan atletlər arasında 67 kq çəki dərəcəsində qüvvəsini sınayıb.

Atletimiz birdən qaldırma hərəkətində 100 kq-ı ram edərək bu hərəkətdə Avropa birinciliyinin bürünc medalına sahib çıxıb.

Təkanla qaldırmada 124 kq-ı baş üzərinə qaldıran idmançımız bu hərəkətdə gümüş medal əldə edib.

Toplam 224 kq (100+124) nəticə ilə Elman yekun sıralamada da gümüş medal qazanıb.

Namiq HUN