Vinisius Junior ilin ən yaxşı futbolçusu seçildi

İdman

18.12.2024 09:19

“Real Madrid” klubunun hücumçusu Vinisius Junior FIFA-nın versiyasına görə 2024-cü ilin ən yaxşı futbolçusu seçilib.

TodayPress xəbər verir ki, Braziliya millisinin forvardı səsvermədə 48 xal toplayaraq FIFA-nın ilin ən yaxşı futbolçusuna təqdim etdiyi “The Best” mükafatının sahibi olub.

O, ikinci pilləni tutan “Mançester Siti”nin və İspaniya millisinin yarımmüdafiəçisi Rodrini 5 xal qabaqlayıb. İlk üçlüyü 37 xalla “kral klubu”nun digər üzvü Cud Bellinqem təşkil edib.

Mükafatın ötənilki qalibi Lionel Messi 6-cı olub. Argentinalı ulduz 25 xal toplayıb.

FIFA-nın səsverməsi:

Vinisius Junior (“Real Madrid”) - 48 xal;

Rodri (“Mançester Siti”) - 43 xal;

Cud Bellinqem (“Real Madrid”) - 37 xal;

Daniel Karvaxal (“Real Madrid”) - 31 xal;

Lamin Yamal (“Barselona”) - 30 xal;

Lionel Messi (“İnter Mayami”) – 25 xal;

Toni Kroos (“Real Madrid”) - 18 xal;

Erlinq Holand (“Mançester Siti”) - 18 xal;

Kilian Mbappe (PSJ/“Real Madrid”) – 14 xal;

Florian Virts (“Bayer 04”) - 8 xal;