Veteran tennisçi korta qayıdır

“Böyük dəbilqə” turnirlərinin yeddiqat qalibi Vinus Uilyams korta qayıdır.  TodayPress xəbər verir ki, veteran tennisçi martin 5-16-da İndian-Uellsdə keçiriləcək WTA-1000 seriyalı “BNP Paribas Open” turnirində iştirak edəcək.  44 yaşlı Uilyams turnirə “wild card”la qatılacaq. O, karyerasında 10-cu dəfə İndian-Uellsdə mübarizə aparacaq.

Vinus üç dəfə (1998, 2001, 2018) turnirin yarımfinalına qədər irəliləyib.  ABŞ tennisçisi karyerası ərzində sonuncu dəfə 2024-cü ilin martında korta çıxıb. O, Mayami turnirinin startında Diana Şnayderə (3:6, 3:6) uduzub. Vinus Uilyams hazırda dünya reytinqində 974-cüdür. 

Namiq HUN