Venesuela və Ekvador 1/4 finala vəsiqə qazandı

Futbol üzrə Amerika Kubokunda III turun növbəti oyunları keçirilib. 

TodayPress xəbər verir ki, B qrupunda Meksika Ekvadorla qarşılaşıb. Pley-offa vəsiqə uğrunda mübarizə aparan komandaların görüşündə hesab açılmayıb. İkinci pillədəki yerini qoruyan Ekvador pley-offa yüksəlib.  

Qrupun digər oyununda isə bir tur öncə mərhələ adlayan Venesuela millisi Yamaykanı 3 cavabsız qolla məğlub edib. Cənubi amerikalıların heyətində Eduard Belyo, Xose Salomon Rondon və Erik Ramires fərqlənib.  

Qeyd edək ki, Venesuela növbəti mərhələdə Kanada, Ekvador isə Argentina ilə qarşılaşacaq.

Namiq HUN