USADA yaşa göz yumub, cəzaya qərar verdi

Amerika Birləşmiş Ştatlarının Antidopinq Agentliyi (USADA) veteran idmançını cəzalandırıb. 

TodayPress xəbər verir ki, qurum rəsmi saytında 70 yaşlı atlet Loretta Törnerin 4 il müddətinə diskvalifikasiya olduğunu elan edib.

Cəzaya səbəb, Törnerin iki ay əvvəl Veteranlar Çempionatında verdiyi dopinq testində ksandrolon və metabolitlərin müsbət çıxmasıdır.

Lorettanın iyulun 19-dan etibarən qazandığı nəticələr ləğv edilib. Antidopinq qaydalarını pozan idmançının diskvalifikasiyası isə avqustun 9-dan qüvvəyə minib. 

Qeyd edək ki, 2023-cü ildə Loretta Törner 65-69 yaş arası idmançıların turnirində 50, 60 və 100 metr məsafələrə qaçışda dünyanın ən yaxşı göstəricilərinə imza atıb. 

Namiq HUN