UKAD boksçunu həbsxanada cəzalandırdı

Böyük Britaniyanın Antidopinq Agentliyi (UKAD) həbsxanada olan boksçu Cek Yubankı dörd il müddətinə diskvalifikasiya edib.

TodayPress xarici KİV-ə istinadən xəbər verir ki, polis 2021-ci ilin avqustunda idmançının avtomobilində narkotik maddələr tapıb. 

Boksçunun evində aparılan axtarış zamanı ümumi dəyəri 34700 funt-sterlinq olan daha 340 qram kokain tapılıb. 

2023-cü ilin sentyabrında Yubank narkotik maddələrin satışı və cinayət yolu ilə əldə edilmiş əmlakın saxlanması ittihamı ilə 2 il 5 ay müddətinə azadlıqdan məhrum edilib.

Qeyd edək ki, Cek peşəkar rinqdə keçirdiyi 9 döyüşün 4-də qələbə qazanıb, 5-də isə məğlub olub. O, sonuncu döyüşünə 2021-ci ilin dekabrında çıxıb.

Namiq HUN