“UFC” Qazaxıstan, Gürcüstan və Azərbaycanda turnirlərin keçirilməsini planlaşdırır

“UFC”nin vitse-prezidenti Devid Şou keçmiş MDB ölkələrində promo-turnirlərin təşkili imkanlarını dəyərləndirib.

TodayPress xəbər verir ki, bu barədə “Sport Express” məlumat yayıb.

“Asiyada bizi maraqlandıran bir neçə ölkə var. Səudiyyənin eksperimentini təkrarlaya bilərik, bunun üçün Bəhreyn, İordaniya, Qazaxıstan, Gürcüstan, Azərbaycan var. Bizim dəyərləndirdiyimiz bir sıra yerlər var, lakin hələ ki, nəyisə elan etmək üçün çox tezdir” deyə əlavə edilib.

Xatırladaq ki, avqustun 3-dən 4-nə keçən gecə Abu Dabidə “UFC” turniri baş tutub. Axşamın əsas döyüşündə rusiyalı Umar Nurməhəmmədov amerikalı Kori Sandhagen üzərində yekdil qərarla qalib gəlib.

Töhfə Səməd