Türkiyə üçün “revanş” şansı: “Ay-ulduzlar” Avstriyanı fəth edə biləcək?

Futbol üzrə Avropa çempionatında bu gün son 1/4 finalçılar müəyyənləşəcək.

TodayPress xəbər verir ki, günün ilk qarşılaşması Münhendəki "Alyans Arena"da Rumıniya və Niderland milliləri arasında keçiriləcək.

Rəqiblər indiyədək 10 dəfə qarşılaşıblar. Bunlardan 8-də Niderland seçməsi, 1-də isə Rumıniya millisi qələbə qazanıb. Bir dəfə isə heç-heçə qeydə alınıb. 

Almaniyalı baş hakim Feliks Şvayerin fit sahibi olacaq matç  saat 20:00-da başlayacaq. 

Günün ikinci qarşılaşması Leypsiqdəki “Red Bull Arena”da baş tutacaq. Burada Avstriya və Türkiyə  komandaları münasibətlərinə aydınlıq gətirəcəklər. 

Komandalar indiyədək ümumilikdə 14 dəfə qarşılaşıblar. Bunlardan 7-də Türkiyə millisi, 6-da isə Avstriya seçməsi qalib gəlib. Bir dəfə isə qolsuz heç-heçə qeydə alınıb. 

Portuqaliyalı baş hakim Artur Diaşın idarə edəcəyi Avstriya – Türkiyə matçı saat 23:00-da başlayacaq.   

Namiq HUN