Türkiyə Avro-2024-lə vidalaşdı

Futbol üzrə Avropa çempionatının yarımfinal mərhələsində mübarizəni davam etdirəcək son komandanın adına Niderland - Türkiyə qarşılaşmasında aydınlıq gəlib. Komandalar Berlindəki Olimpiya stadionunda güclünü müəyyən ediblər.

TodayPress xəbər verir ki, bu görüş ərəfəsində Türkiyə millisi tarixinin ən yaxşı nəticəsinə, Avro-2008-də qazandığı bürünc medal uğurunu təkrarlamağa çox yaxın olub.

Fransalı referi Kleman Turpenin idarə etdiyi matçın ilk hissəsini “ay-ulduzlular” Samet Akaydının 35-ci dəqiqə qolu ilə irəlidə bitirib 1:0. Amma fasilədən sonra Türkiyə millisi hesabdakı üstünlüyünü qoruya bilməyib. Matçın 70-ci dəqiqəsində Stefan de Vrey hesabı bərabərləşdirib. 76-cı dəqiqədə isə Mert Müldürün avtoqolu ilə Niderland millisi hesabda irəli çıxıb 2:1.

Nəticədə Berlin qarşılaşmasını qazanan Niderland yığması turnirin yarımfinal mərhələsinə yüksəlib. 

Namiq HUN