Timsahlar IRF-in planlarını pozdu

İdman

02.04.2025 17:56

Beynəlxalq Avarçəkmə Federasiyası (IRF) Avstraliyanın Kvinslend ştatının içərisində timsahlar olan Fitsroy çayını 2032-ci ildə keçiriləcək Yay Olimpiya Oyunları üçün yararsız hesab edib.   

TodayPress IRF-in mətuat xidmətinə istinadən xəbər verir ki, Fitsroy çayı ştat hökuməti tərəfindən Yay Olimpiya və Paralimpiya Oyunları zamanı avarçəkmə yarışlarına ev sahibliyi etmək üçün təklif olunub. 

Lakin federasiya ərazidə təhlükəsizliyin yetərli olmadığı qənaətinə gəlib.

Baxmayaraq ki, Fitsroy çayı son illərdə Avstraliyanın avarçəkmə üzrə Olimpiya komandasının məşq məkanı olub və mütəmadi olaraq universitetlərarası yarışlar keçirilib. 

Qeyd edək ki, 2032-ci il Yay Olimpiya Oyunları Brisben şəhəri və ətraf Cənub-Şərqi Kvinslend bölgəsində keçiriləcək.   

Namiq HUN

tag: Timsah,Avarçəkmə,İRF,Olimpiya,Todaypress.az,