Tennis ulduzu son məğlubiyyətinin səbəbini açıqladı

Təsnifat yolu ilə Sinsinnatidə keçirilən tennis turnirinin əsas mərhələsinə çıxa bilməyən Naomi Osaka çətinliklərlə üzləşdiyindən şikayətlənib. 

TodayPress xəbər verir ki, dünyanın keçmiş bir nömrəsi, dördqat “Böyük Dəbilqə” turnirlərinin qalibi, yapon tennisçi Naomi Osaka matçlar zamanı “qəribə” çətinliklər yaşadığını bildirib:

 “Son bir neçə saat ərzində özümü necə hiss etdiyimi anlamağa çalışıram. Qəribədir ki, məğlubiyyətin qədrini bilməyi öyrəndim. Onlarsız 20 ildən artıq tennis oynaya bilməzsiniz. Siz itkidən öyrənirsiniz və sonra bu bilikləri praktikada tətbiq etməyi səbirsizliklə gözləyirsiniz.

Amma indi mənim əsas problemim məğlubiyyətlər deyil, bədənimi hiss etməməyimdir. Qəribə hissdir - etməməli olduğum yerdə səhvlər edirəm, toplara əvvəlkindən daha yumşaq zərbələr vururam. Öz-özümə deməyə çalışıram: “Hər şey yaxşıdır, sən əlasan, bunun öhdəsindən gəl və işləməyə davam et” amma içəridə “Nə baş verir?!” qışqırığını eşidirəm” Osaka vurğulayıb.

Naomi Osaka hazırda dünya reytinqində 95-ci yerdədir. O, təşkilatçıların dəvəti ilə Sinsinnati turnirinin təsnifat mərhələsində yarışıb. 

Namiq HUN