Şpaqaçımız Gimnaziadada qızıl medal qazandı

Azərbaycan millisi Serbiyada ISF U15 Gimnaziada İdman Oyunlarında növbəti qızıl medalını qazanıb.   

TodayPress xəbər verir ki, multi-idman oyunlarının baş mükafatını komandamıza şpaqaçı Mirnuray Abasova qazandırıb. 

O, yarımfinalda serbiyalı Una Petkoviçi 15:11 hesabı ilə məğlub edib. Finalda isə Abasova eyni hesabla çinli Ju Şiyinə qalib gəlib.   

Qeyd edək ki, Azərbaycan komandasının Gimnaziadada mükafat sayı 12-yə yüksəlib.

Millimiz yarışda daha əvvəl 2 qızıl, 3 gümüş və 6 bürünc medal əldə edib.   

Namiq HUN