Serxio Ramos “Monterrey” ilə anlaşdı

İspaniyalı futbolçu Serxio Ramosun "Monterrey"ə keçidi rəsmiləşib.

TodayPress xəbər verir ki, müdafiəçi Meksika klubu ilə 2025-ci ilin sonuna kimi müqavilə imzalayıb.

38 yaşlı futbolçu bu il klubların dünya çempionatının iştirakçılarından biri olacaq “Monterrey”də 93 nömrəli formanı geyinəcək. Bu onun 2014-cü ildə “Real Madrid”in heyətində Çempionlar Liqasında “Atletiko” ilə final matçının 90+3-cü dəqiqəsində qol vurmaqla komandasını məğlubiyyətdən xilas etməsinə işarədir.

Qeyd edək ki, Serxio Ramos “Sevilya” ilə müqaviləsinin müddəti başa çatandan sonra, ötən ilin iyulundan azad agent idi. 

Namiq HUN