Şahmatçımız Petrovaçda medal şansını qoruyur

Monteneqroda 20 yaşadək şahmatçılar arasında dünya çempionatı davam edir.   

TodayPress xəbər verir ki, Azərbaycan şaçmatçısı Ayan Allahverdiyeva Petrovaç mundialında medal qazanmaq şansını qoruyur. 

Şahmatçımız X turda macarıstanlı Joka Qaal ilə oyunda vacib qələbə qazanıb.  Xal hesabını 7,5-ə çatdıran Allahverdiyeva ikinci yerə yüksəlib. O, lider Anna Şuxmandan (FIDE) yarım xal geri qalır. 

Ayan sonuncu, XI turda 7 xalla səkkizinci yerdə qərarlaşan özbəkistanlı Afruza Xamdamova ilə yarışacaq.   

Namiq HUN