Şahmatçımız Dünya kubokuna vəsiqə qazandı

Yunanıstanda keçirilən qadınlar arasında şahmat üzrə Avropa çempionatı başa çatıb.   

TodayPress xəbər verir ki, Rodos turnirində Azərbaycan şahmatçıları arasında ən yaxşı nəticəyə Gülnar Məmmədova imza atıb. 

Sonuncu, 11-ci turda Gürcüstan şahmatçısı Anastasiya Kirtadzeyə qalib gələrək xal hesabını 7,5-ə yüksəldən şahmatçımız Avropa çempionatından Dünya kubokuna son vəsiqəni verən 10-cu yeri tutub.   

Avropa çempionu Ülviyyə Fətəliyeva 7 xalla 24-cü yerdə qərarlaşıb. Çempionatda uğurlu start götürən Gövhər Beydullayeva 6,5 xalla 28-ci olub.

Eyni xala malik Türkan Məmmədyarova isə qitə yarışını 40-ci pillədə bitirib. 

Qeyd edək ki, Avropa çempionatında Azərbaycanı 8 şahmatçı təmsil edib. 

Namiq HUN