“Sabah”ın avrokuboklarda "Marussi" sınağı

Kişi basketbolçulardan ibarət “Sabah” klubu bu gün FIBA Avropa Kubokunda növbəti matçına çıxacaq. 

TodayPress xəbər verir ki, G qrupunda yer alan komandamız II turda Yunanıstan təmsilçisi “Marussi” ilə qarşılaşacaq.

Bakı İdman Sarayında keçiriləcək görüşü Rumıniya və Gürcüstandan olan hakimlər idarə edəcəklər. 

“Sabah” – “Marussi” matçı saat 19:00-da başlayacaq.

Qeyd edək ki, Rimas Kurtinaytisin rəhbərlik etdiyi kollektiv ilk turda səfərdə Belçikanın “Spiru” komandasına 81:82 hesabı ilə məğlub olub.

Namiq HUN