Rusiyalı xokkeyçi casus olduğunu etiraf etdi

“Zaqlembe” komandasının 21 yaşlı rusiyalı keçmiş xokkeyçisi Maksim Sergeyev etiraf edib ki, Polşa klubunda oynayarkən Rusiyaya casusluq edib.

TodayPress “Sports Network”a istinadən xəbər verir ki, Maksim 2023-cü ilin iyununda Polşa Gənclər Xokkey Liqasında “Zaqlembe”də çıxış edərkən Polşa polisi tərəfindən casusluqda şübhəli bilinərək saxlanılıb. 

21 yaşlı gənc günahını etiraf edib və üç ilə qədər həbs gözləyir.

Qeyd edək ki, 19 yaşlı Sergeyev “Telegram” mesajlaşma proqramında FSB agenti tərəfindən ələ alınarkən evə çatdırılma şirkətində işləyən kasıb bir gənc olub.

O, Avropa və Şimali Amerikada “Putinin sevgililəri” adlandırılan bir neçə rus xokkeyçi ilə qrup söhbətlərində olub. FSB agenti əvvəlcə Maksimdən kriptovalyuta müqabilində sosial mediada siyasi mesajlar yerləşdirməyi xahiş edib. Daha sonra isə onun üçün Polşada hərbi texnika fabrikinə baxan bir mənzil kirayələnib.

Namiq HUN