Rusiyalı cüdoçular BOK-un qərarını qəbul etmədilər

Rusiya cüdoçuları Paris-2024 Yay Olimpiya Oyunlarında iştirak etməkdən imtina edib.

TodayPress xəbər verir ki, Beynəlxalq Olimpiya Komitəsi (BOK) 4 rusiyalı cüdoçuya neytral bayraq altında çıxış etmək hüququ verib.

Rusiyalı cüdoçular - Valeriy Endovitskiy, Maxmadbek Maxmadbekov, Elis Startseva və Dali Liluaşvili lisenziyadan imtina ediblər. Cüdoçular BOK-un qərarı ilə razılaşmadıqlarını bildiriblər.

Qeyd edək ki, ümumilikdə Rusiyanın 17 cüdoçusu Olimpiadada çıxış etmək hüququ qazanıb. Amma BOK bu idmançılardan yalnız 4-nə icazə verib. Bu qərarla barışmayan ruslar Parisə getməyəcəklər.

Paris Olimpiadasında cüdo yarışları iyulun 27-dən avqustun 3-dək keçiriləcək.

Namiq HUN