Ruben Amorim yeni antirekord müəyyən etdi

Ruben Amorim “Mançester Yunayted”də antirekorda imza atıb.

TodayPress xəbər verir ki, “qırmızı şeytanlar” portuqaliyalı mütəxəssisin rəhbərliyi ilə Premyer Liqada keçirdiyi 7-ci oyunda 4-cü dəfə uduzub.

Komanda Premyer Liqanın XVIII turunda “Vulverhempton”a 0:2 hesabı ilə məğlub olub. 

Bununla da, Ruben Amorim Erik Ten Haaqın uğursuz nəticəsini yeniləyib. Niderlandlı mütəxəssis 4-cü məğlubiyyətini 13-cü matçında yaşamışdı.

Qeyd edək ki, “Mançester Yunayted” daha əvvəl “Arsenal”a (0:2), “Nottigem Forest”ə (2:3), “Bornmut”a (0:3) uduzub. 

Namiq HUN