Ronaldo: “Qol vurduğum an yaşadığım adrenalin üçün darıxacağam”

Portuqaliya millisinin və Səudiyyə Ərəbistanının “Əl-Nəsr” klubunun hücumçusu Kriştiano Ronaldo karyerasını başa vurduqdan sonra hansı hissləri keçirəcəyindən danışıb. 

TodayPress xəbər verir ki, hücumçu fikirlərini bir cümlə ilə ifadə edib:

"Karyeramı başa vurduqdan sonra, düşünürəm ki, qol vurduğum an yaşadığım adrenalin üçün daha çox darıxacağam".

Bu mövsüm portuqaliyalı forvard “əl-Nəsr”in heyətində meydana çıxdığı 5 matçda 4 qol vurub və 2 məhsuldar ötürmə edib. 

Qeyd edək ki, Kriştiano 2023-cü ildən “Əl-Nəsr”də çıxış edir. 39 yaşlı  futbolçunun klubla müqaviləsi 2025-ci ilə qədərdir. 

Namiq HUN