Ronaldo qol sayını 902-yə çatdırdı

Portuqaliya millisinin və “Əl-Nəsr”in hücumçusu Kriştiano Ronaldo karyerasının 902-ci qolunu vurub. 

TodayPress xəbər verir ki, 39 yaşlı futbolçu Səudiyyə Ərəbistanı çempionatında “Əl İttifaq”la oyunda (3:0) fərqlənib.

Penalti zərbəsini dəqiq yerinə yetirərək oyunda hesabı açan Ronaldo rəsmi matçlarda 902 qol vuran ilk futbolçu olub. 

Kriştiano qollarının 132-ni milli komandada, digərlərini isə müxtəlif klubların heyətində vurub. 

O, dünya futbolu tarixinin ən yaxşı bombardiridir.

Namiq HUN