Ronaldo futbolda motivasiyasını necə qoruduğundan danışdı

Dünyanın ən yüksək maaş alan idmançısı, “Əl-Nəsr” klubunun futbolçusu Kriştiano Ronaldo futbolda motivasiyasını necə saxladığını izah edib.

TodayPress, onun fikirlərini olduğu kimi sizə təqdim edir:

“Mən yaşımla fəxr edirəm və hələ də ən yüksək səviyyədə yarışıram. Bu, əladır və mənə davam etmək üçün motivasiya verir. Son 20 ildəki karyerama nəzər salsanız, səviyyəmin yüksək olduğunu görə bilərsiniz. 20 il zirvədə olmaq inanılmazdır. Mən bunu davam etdirirəm və bu mənim üçün böyük nailiyyətdir. Bu səviyyədə qalmaq asan deyil. Motivasiyaya davam etmək, qollar vurmaq, formada qalmaq, “gənc aslanlar”la yarışmaq. Onlar sübut etmək istəyirlər ki, məndən güclü və sürətlidirlər, ona görə də təkcə fiziki deyil, həm də mənəvi cəhətdən çox yaxşı hazırlaşmalısan. Bu bir çağırışdır”.

Namiq Hun