Rodriges adını Amerika Kubokunun tarixinə yazdırdı

Futbol üzrə Kolumbiya yığma komandasının yarımmüdafiəçisi Xames Rodriges Amerika Kubokunda adından söz etdirib.

TodayPress xəbər verir ki, Rodriges buna Panama komandası ilə 1/4 final matçında məhsuldar ötümələri ilə nail olub. Təcrübəli futbolçu hazırkı turnirdə assistlərinin sayını 5-ə çatdırıb.

Daha əvvəl Amerika Kubokunda 3 futbolçu bunu bacarıb. Braziliyalı futbolçular Denilson və Alekslə yanaşı, argentinalı Lionel Messi 5 məhsuldar ötürmə ilə yadda qalıb.

Qeyd edək ki, Kolumbiya yığması iyulun 11-də Amerika Kuboku turnirinin yarımfinal mərhələsində Uruqvay komandası ilə qarşılaşacaq.

Namiq HUN