"Real"ın futbolçusu 2024-cü ildə meydana çıxa bilməyəcək

İspaniyanın "Real" (Madrid) klubunun futbolçusu David Alabanın 2024-cü ildə meydana çıxmayacağı dəqiqləşib.

TodayPress "Relevo"ya istinadən xəbər verir ki, ön çarpaz bağı yırtılan müdafiəçinin oktyabrda sağalması gözlənilsə də, bərpa prosesi gecikib.

Avstriyalı futbolçu fərdi məşqlər etsə də, onun 2025-ci ilin yanvarında komandaya qoşulacağı məlum olub.

Qeyd edək ki, D.Alaba ötən mövsüm La Liqanın XVII turunda, "Vilyarreal" ilə matçda ciddi zədə almışdı.