“Real” milyardı keçdi

“Real Madrid” mövsümlük gəliri 1 milyard avronu keçən ilk klub olub.

TodayPress xəbər verir ki, “Deloitte” audit şirkəti dünya klublarının 2023/24 mövsümündəki gəlirləri ilə bağlı hesabat tərtib edib.

Ardıcıl ikinci dəfə siyahının lideri olan İspaniya nəhənginin gəlirləri 1,046 milyarda çatıb. 

“Real” bununla da futbol tarixində 1 milyard səddini keçən ilk klub olub. 

Gəlirin 483 milyonu kommersiya, 316 milyonu yayımın, 248 milyonu isə oyun gününün payına düşür.

Qeyd edək ki, “kral klubu” 2023/24 mövsümündə Çempionlar Liqası və La Liqanın qalibi olub.

Namiq HUN