Ramil Şeydayev "Kocaelispor" klubu ilə yollarını ayırdı

Futbol üzrə Azərbaycan yığma komandasının hücumçusu Ramil Şeydayev "Kocaelispor"u tərk edib. 

TodayPress Türkiyə mətbuatına istinadən xəbər verir ki, Şeydayev klubdan alacağı 140 min avrodan imtina edib. Tərəflər qarşılıqlı razılıq əsasında  müqaviləyə xitam veriblər. Futbolçu "Kocaelispor" klubunun son yoxlama matçında da yer almayıb.

Qeyd edək ki, Ramil Şeydayevin "Neftçi" klubu ilə müqavilə bağlayacağı gözlənilir. Paytaxt təmsilçisinin mətbuat xidməti  bu xəbəri təsdiqləməsə də, transfer baş tutarsa, açıqlama veriləcəyini bildirilib.  

Namiq HUN