“Radomyak” Renatla danışıqlara başladı

Futbol üzrə Azərbaycan yığma komandasının hücumçusu Renat Dadaşovun növbəti mövsümə də Polşanın “Radomyak” klubunda start verməsi ehtimalı yüksəkdir.   

TodayPress xəbər verir ki, Radom təmsilçisi forvardın oyunundan razıdır.   

Renat, meydana çıxdığı 4 oyunda 2 qol vurub və 1 ötürmə verib.   

Qeyd edək ki, klubla Dadaşov arasında mövsümün sonuna kimi imzalanan müqavilədə anlaşmanın bir il müddətinə uzadılması maddəsi var.

Rəhbərlik bu imkandan istifadə edib 25 yaşlı futbolçunu komandada saxlamaq istəyir.

Artıq bununla bağlı futbolçu və onun meneceri ilə danışıqlara start verilib.   

Namiq HUN