"Qızıl top"a 30 NAMİZƏD: Messi və Ronaldo siyahıda yer almadılar

"Qızıl top-2024" (Ballon D’Or) mükafatına yekun namizəd futbolçuların siyahısı açıqlanıb.

TodayPress xəbər verir ki, “France Football” nəşri “Qızıl top”a 30 namizədin siyahısını dərc edib. 

2003-cü ildən bəri ilk dəfə Kriştiano Ronaldo (“Əl-Nəsr”, Portuqaliya millisi) və Lionel Messi (“İnter Mayami”, Argentina millisi) onların arasında deyil.

“Qızıl top”a iddialıların siyahısına aşağıda adıçəkilən futbolçular daxildir:

Cud Bellinqem ("Real"), Ruben Dias ("Mançester Siti"), Fil Foden ("Mançester Siti") Federiko Valverde ("Real"), Emiliano Martines ("Aston Villa"), Erlinq Holand ("Mançester Siti"), Niko Vilyams ("Atletik"), Qranit Caka ("Arsenal"), Artem Dovbik ("Jirona"/"Roma"), Toni Kroos ("Real"), Vinisius Junior ("Real"), Dani Olmo ("Leypsiq"/"Barselona"), Florian Virts ("Bayer"), Martin Odeqar ("Arsenal"), Mats Hummels ("Borussiya"/"Roma"), Rodri ("Mançester Siti"), Harri Keyn ("Bavariya"), Deklan Rays ("Arsenal"), Vitinya (PSJ), Koul Palmer ("Çelsi"), Dani Karvahal ("Real"), Lamin Yamal ("Barselona"), Bukayo Saka ("Arsenal"), Hakan Çalhanoğlu ("İnter"), Vilyam Saliba ("Arsenal"), Kilian Mbappe (PSJ/"Real"), Lautaro Martines ("İnter"), Ademola Lukman ("Atalanta"), Antonio Rüdiger ("Real").

Qeyd edək ki, "Qızıl top"un qalibi oktyabr 28-də məlum olacaq.

Namiq HUN