Qara Qarayev yubilyarlar arasında

“Araz-Naxçıvan” klubunun futbolçusu Azərbaycan çempionatları tarixində 350 və daha çox matç keçirən 13-cü futbolçu olub.   

TodayPress Peşəkar Futbol Liqasının rəsmi saytına istinadən xəbər verir ki, yarımmüdafiəçinin yubileyi Premyer Liqanın XXXIII turu çərçivəsində keçirilən “Araz-Naxçıvan” - “Sabah” (1:1) matçına təsadüf edib.   

Premyer Liqada 2008/2009-cu illər mövsümündə debüt edən Qarayev 350 matçda 6 qol vurub.   

33 yaşlı futbolçu ilk klubu “Qarabağ”da 305 (5 qol), “Neftçi”də 25 (1 qol), “Araz-Naxçıvan”da isə 20 görüşə çıxıb.   

Namiq HUN