Qalmaqallı Semedunu polis saxladı

Portuqaliya millisinin sabiq futbolçusu Ruben Semedu Lissabonda saxlanılıb.

TodayPress “Correio da Manh" nəşrinə istinadən xəbər verir ki, Səudiyyə Ərəbistanının “Əl-Hor” klubunun müdafiəçisi ailədaxili zorakılıqda şübhəli bilinərək tutulub.

Semedu sevgilisinə hücum edib. Daha sonra həmin qız xəstəxanaya yerləşdirilib.

Xatırladaq ki, Ruben Semedu 2021-ci ildə azyaşlı qıza təcavüzdə ittiham edilib. O, daha əvvəl 2018-ci ilin fevralında İspaniyadakı gecə klubunun əməkdaşını silahla hədələdikdən sonra həbs edilib. 30 yaşlı futbolçu girov müqabilində həbsxanadan azadlığa buraxılıb.

Namiq HUN