“Qalatasaray” Vendel üçün 20 milyon avro ödəyəcək

"Qalatasaray" yarımmüdafiəçi Vendelin komandasına transferi üçün "Zenit"ə yeni rəsmi təklif göndərib.

TodayPress xəbər verir ki, bu barədə “All Transfer” məlumat yayıb.

Türkiyə klubu futbolçu üçün 20 milyon avro təklif edib. Transfer baş tutsa, bu, "Qalatasaray" tarixində rekord rəqəm olacaq.

Qeyd edək ki, 26 yaşlı braziliyalının 5 illik müqavilə imzalayacağı və bu müqaviləyə əsasən, hər mövsümə 4 milyon avro qazanacağı bildirilib.

Xatıqladaq ki, Vendel 2020-ci ildən "Zenit"də çıxış edir. O, ötən mövsüm “mavi-ağ-göylər”in heyətində 35 matça çıxıb, 4 qol vurub, 10 məhsuldar ötürmə edib. Futbolçu iyulun 13-də Rusiya Superkubokunda “Krasnodar”la oyunda (4:2) bir qol vurub, iki məhsuldar ötürmə edib. Onun “mavi-ağ-göylülər” ilə müqaviləsi 2027-ci ilin yayına qədərdir.

Töhfə Səməd