“Qalatasaray” Mourinyonu irqçilikdə ittiham etdi

“Qalatasaray” klubu “Fənərbağça” ilə İstanbul derbisindən sonra rəqibin baş məşqçisi Joze Mourinyonu irqçilikdə ittiham edib.   

TodayPress “sarı-qırmızılı”lara istinadən xəbər verir ki, portuqaliyalı mütəxəssis matçdan sonra “Qalatasaray”ın futbolçularının və məşqçilər korpusunun davranışını tənqid edib:   

“Hakimə təşəkkür etməliyəm. Haqqında danışdığım situasiyada rəqibin skamyasında oturanların hamısı meymun kimi tullanırdı. Oyunu türkiyəli hakim idarə etsəydi, Yusuf Akçiçek ilk dəqiqədə vərəqə alacaqdı, mən isə 5-ci dəqiqədə onu əvəz etməli olacaqdım”. 

“Qalatasaray” klubu Mourinyonun sözlərini türk xalqına qarşı hörmətsizlik adlandıraraq ondan şikayət edəcəklərini bildirib:   

"Joze Mourinyonun irqçi bəyanatları ilə bağlı cinayət işi başlamaq, həmçinin UEFA və FIFA-ya rəsmi şikayətlər göndərmək niyyətində olduğumuzu rəsmən bəyan edirik". 

Qeyd edək ki, Super Liqanın XXV turunda “Qalatasaray” və “Fənərbağça” klubları arasında baş tutan İstanbul derbisi heç-heçə başa çatıb (0:0).   

Namiq HUN