Qadın güləşçilərdən 1 gümüş və 3 bürünc medal

Serbiyanın Novi Sad şəhərində keçirilən güləş üzrə U-17 Avropa çempionatında qadınların mübarizəsinə yekun vurulub.

TodayPress xəbər verir ki, Azərbaycanın 4 güləşçisi günü medalla başa vurub.

Finalda yarışan Fatimə Bayramova (53 kq) qızıl medal qazanmaq şansını əldən verib. O, həlledici qarşılaşmada Olesya Malaxovaya (AİN) uduzaraq çempionatın gümüş medalı ilə kifayətlənib.

Milli üzvlərindən Nəzrin Əhmədli (40 kq), Günay Qurbanova (61 kq) və Zəhra Kərimzadə (69 kq) yığmamızın hesabına üç bürünc medal yazdırıb.

Nəticədə qadın güləşçilərdən ibarət Azərbaycan yığması Avropa çempionatını 1 gümüş və 3 bürünc medalla başa vurub.

Namiq HUN