PSJ-nin son 11 ildə ən uğursuz məşqçisi

PSJ Liqa 1-də yeni mövsümün startındakı yeddi oyundan sonra çətinliklə üzləşib.

TodayPress xəbər verir ki, Paris təmsilçisi Çempionlar Liqasında “Arsenal”a (0:1) uduzaraq mövsümün ilk məğlubiyyətini aldıqdan sonra, Fransa çempionatında “Nitsa” ilə qollu bərabərliyə nail olaraq xal itirib.

Son iki oyun baş məşqçi Luis Enrikenin PSJ-dəki qələbə faizinə mənfi təsir göstərib. Onun baş məşqçi postundakı göstəricisi 64,5%-ə düşüb. 

Başqa sözlə, PSJ Karlo Ançelottinin rəhbərliyi altında oynadıqları 2013-cü ildən bəri ən pis göstəricisinə imza atıb (63,6%).

Qeyd edək ki, indiyədək Unai Emeri PSJ-də (76,3%) ən yaxşı qalibiyyət faizinə sahib olub. 

Luis Enrike faiz göstəricisində müxtəlif illərdə PSJ-ni çalışdırmış Tomas Tuxel, Loran Blan, Kristof Qaltye və Maurisio Poçettinodan da geri qalır. 

Namiq HUN