PSJ Kvaratsxeliya ilə anlaşdı

Gürcüstanlı futbolçu Xviça Kvaratsxeliyanın “Napoli” klubundan PSJ-yə transfer məbləği açıqlanıb.

TodayPress xəbər verir ki, yarımmüdafiəçinin transfer qiyməti 75 milyon avro təşkil edəcək.

Paris təmsilçisi Kvaratsxeliya ilə müqaviləni 2029-cu ilə qədər bağlayacaq. Anlaşmanın daha bir mövsüm uzadılması nəzərdə tutulub. 

Xviçanın PSJ-də maaşı 9 milyon avro olacaq. O, həmçinin 2 milyon avro bonus da qazanacaq.

Qeyd edək ki, Kvaratsxeliya 2022-ci ildən “Napoli”də çıxış edir. O, 2023-cü ildə cənublularla İtaliya çempionu olub. Xviça cari mövsüm meydana çıxdığı 19 oyunda 5 qol vurub və 3 məhsuldar ötürmə edib.

Yarımmüdafiəçi Gürcüstan millisinin heyətində 40 oyun keçirib, 17 qol vurub və 9 asistə imza atıb.

Namiq HUN