Premyer Liqa klubları cəzalandırıldı

AFFA-nın İntizam Komitəsinin iclası keçirilib.   

TodayPress xəbər verir ki, yığıncaqda Premyer Liqanın IX turunda baş verənlər müzakirə olunub. 

“Səbail” - “Şamaxı” oyununda 4 futbolçusu sarı vərəqə alan qonaqlar 700 manat cərimə edilib.   

Qırmızı vərəqə alan Brahim Konate isə “Şamaxı”nı 500 manat ziyana salıb. Futbolçuya 1 oyunluq cəza verilib. 

“Turan Tovuz” - “Zirə” matçından sonra yerli azarkeşlərii meydançaya kənar əşyalar atdıqlarına görə, klub 800 manat cərimə edilib. 

“Sumqayıt” – “Qarabağ” oyununda isə “Gənclik şəhəri” təmsilçisinin azarkeşləri meydançaya kənar əşya atıblar.

Nəticədə “Sumqayıt” klubuna 800 manat cərimə kəsilib.   

Namiq HUN