Portuqaliya penalti seriyasında qalib gəldi

Almaniyada keçirilən Avropa çempionatında 1/8 final mərhələsi davam edir.

TodayPress xəbər verir ki, “Frankfurt Arena”da Portuqaliya millisi Sloveniyanı sınağa çəkib. İtaliyalı referi Daniele Orsatonun idarə etdiyi matçın 90 dəqiqəsi qolsuz heç-heçə ilə başa çatıb. Daha sonra Kriştiano Ronaldo və komandası heç-heçələri sıralayan rəqibin müqavimətini overtaymda qırmağa çalışıb. Bu dəqiqələrdə Ronaldo komandasını 1/4 finala daşıyacaq  penaltini qola çevirə bilməyib. 

Cütün qalibini elə matç sonrası vurulan penalti seriyası müəyyən edib. Daha dəqiq, sloveniyalı futbolçuların ardıcıl vurduqları üç penaltini dəf edən Dieqo Koşta. Portuqaliya titul yürüşünü davam etdirir.     

Namiq HUN