Polşalı tennisçidən erkən vida

Qadın tennisçilər arasında keçirilən ilin yekun turnirində qrup mərhələsi başa çatıb.

TodayPress xəbər verir ki, yarışın favoritlərindən olan İqa Şvyontek mübarizəni dayandırıb.

B qrupunda yer alan polşalı tennisçi rəqibləri ilə eyni xal toplayıb. Şvyonteklə yanaşı Koko Qauff (ABŞ) və Barbora Kreyçikova (Çexiya) hərəyə 2 qələbə qazanıb, 1 dəfə uduzub. 

Setlərin nisbətində rəqiblərindən geri qalan Şvyontek qrupda 3-cü olub.

Qeyd edək ki, İqa Şvyontek 2023-cü ildə ilin yekun turnirinin qalibi adını qazanıb. 

Namiq HUN