Pol assist sayında NBA tarixinin ikincisidir

İdman

09.12.2024 16:08

"San-Antonio" klubunun heyətində yer alan Kris Pol Milli Basketbol Assosiasiyası (NBA) tarixində ən çox məhsuldar ötürmə edən ikinci oyunçu olub.

TodayPress xəbər verir ki, basketbolçu "Nyu-Orlean Pelikans”a qalib gəldikləri (121:116) qarşılaşmada göstəriciyə nail olub.

39 yaşlı Kris həmin görüşdə 10 assistlə yadda qalıb. NBA-da məhsuldar ötürmələrinin sayını 12099-a çatdıran Pol bu göstəricidə keçmiş basketbolçu Ceyson Kiddi (12091) arxada qoyub.

Qeyd edək ki, 15806 assist rekordu sabiq basketbolçu Con Stoktona məxsusdur.

Namiq HUN