“Partizan” klubu Miloşeviçə tapşırıldı

Belqrad nəhəngi “Partizan”ı bundan sonra Savo Miloşeviç çalışdıracaq. 

TodayPress xəbər verir ki, o, baş məşqçi postunda 3 ayı belə tamam olmayan Aleksandar Stanojeviçi əvəz edib.

Bu barədə “Partizan” klubunun saytında məlumat verilib.

Savo Miloşeviçin son iş yeri Bosniya və Herseqovina yığma komandası olub. 51 yaşlı mütəxəssis 2024-cü ilin aprelindən sonra işsiz idi.

Qeyd edək ki, Miloşeviç daha əvvəl 2019-2020-ci illərdə “Partizan”a rəhbərlik edib.

7 oyunda 11 xal toplayan “Partizan” hazırda Serbiya çempionatının 9-cu komandasıdır.

Namiq HUN