Olimpiya çempionumuz Avropa çempionatının finalında - YENİLƏNDİ
Monteneqroda cüdo üzrə Avropa çempionatı davam edir.
TodayPress xəbər verir ki, Podroritsada keçirilən fərdi yarışların son günündə Zelim Kotsoyev finala yüksəlib, Uşanqi Kokauri isə qitə yarışının bürünc medalını qazanmaq şansı əldə edib.
Olimpiya çempionu Zelim Kotsoyev (100 kq) startda Mixael Aristosu (Kipr), ardınca Maksims Duynovsi (Latviya) məğlub edib. Yarımfinalda Kotsoyev Anton Savitski (Ukrayna) üzərində qələbə qazanıb.
O, finalda Paris Olimpiadasında məğlub etdiyi gürcüstanlı İlya Sulamanidze ilə qarşılaşacaq.
Uşanqi Kokauri (110 kq) isə yarımfinala qədər Patrik Broniets (Polşa), Marius Fizel (Slovakiya) və Recep Erginlə (Türkiyə) dueldən qalib ayrılıb. Kokauri yarımfinalda Valeri Endovitski (İJF) ilə mübarizə aparıb. Rəqib mərhələ adladığından Uşanqi Erik Abramovalla (Almaniya) bürünc medal uğrunda yarışacaq.
Qeyd edək ki, yığmamız yarışın ilk 3 günündə 4 bürünc medal qazanıb. Əhməd Yusifov (60 kq), Rəşid Məmmədəliyev (73 kq), Zelim Tçkayev (81 kq) və Murad Fətiyev (90 kq) fəxri kürsüdə yer alıb.
Namiq HUN
***
15:25
Monteneqroda cüdo üzrə Avropa çempionatı davam edir.
TodayPress xəbər verir ki, Podroritsada keçirilən fərdi yarışların son günündə iki cüdoçumuz adını yarımfinal mərhələsinə yazdırıb.
Olimpiya çempionu Zelim Kotsoyev (100 kq) startda Mixael Aristosu (Kipr), ardınca Maksims Duynovsi (Latviya) məğlub edib.
O, finala vəsiqə uğrunda Anton Savitski (Ukrayna) ilə mübarizə aparacaq.
Uşanqi Kokauri (110 kq) isə yarımfinala qədər Patrik Broniets (Polşa), Marius Fizel (Slovakiya) və Recep Erginlə (Türkiyə) dueldən qalib ayrılıb. Kokaurinin yarımfinalda rəqibi Valeri Endovitski (İJF) olacaq.
Qeyd edək ki, yığmamız yarışın ilk 3 günündə 4 bürünc medal qazanıb. Əhməd Yusifov (60 kq), Rəşid Məmmədəliyev (73 kq), Zelim Tçkayev (81 kq) və Murad Fətiyev (90 kq) fəxri kürsüdə yer alıb.
Namiq HUN
tag: Cüdo,Zelim Kotsoyev,Uşanqi Kokauri,Qələbə,Todaypress.az,